FEATURES

أكبر مسابقة راب في الشرق الأوسط

5.11K

الراب في مصر تطور بشكل كبير في الفترة الأخيرة، وبقى بيجذب طبقة كبيرة جدا من الشباب لجرأة مواضيعه وافكارة وظهر نجوم كتير ليه واشتهروا بتقديمهم لفن مختلف مش بس في كلمات الأغاني وكمان في طريقة عرضهم للأغاني، ودلوقتى جه دورك وموهبتك تطلع للنور!

Rap Game هتكون اكبر مسابقة لمزيكا الهيب هوب في الشرق الأوسط، لو شايف نفسك عندك القدرة والجرأة انك تعرض موهبتك قدام أكبر الرابرز في مصر يبقى هنا مكانك، ومنه هتوصل للقمة. هدف المسابقة منح الفرصة للمتسابقين و النجوم المستقلين أن يظهروا مواهبهم للنور. 

هتبدأ تجارب الأداء من ١٧ فبراير الى ٢٣ فبراير فى ٥ مدن وهما: القاهرة، الأسكندرية، طنطا، المنصورة، و الزقازيق. واللي هيحدد إختيار المواهب ٥ حكام هما: أبيوسف، شاهين، ويجز، مروان بابلو، مولوتوف.

المسابقة هتتم على ٦ مراحل:

• المرحلة الأولى

الاشتراك عن طريق إرسال مقطع فيديو على الموقع أو من خلال تجارب الأداء التي هتتم في المحافظات وهيتم الإعلان عن أماكن ومواعيد تجارب الأداء على منصات التواصل الإجتماعي والموقع.

• المرحلة الثانية

هيتم إختيار عدد من الفيديوهات و تجارب الأداء المقدمة وهيتم الإعلان عن ٣٠ فائز على مواقع التواصل الاجتماعي. ال ٣٠ رابر المختارين سوف هيقدموا تجارب أداء في حفلة إطلاق  The Rap Game . بمشاركة فريق الحكام الخمسة.

• المرحلة الثالثة

١٢ رابر بس هما اللي هيقدروا يتأهلوا لمرحلة التصفيات في ٣ جولات في القاهرة والإسكندرية.

• المرحلة الرابعة

هيتم تقسيم ال ١٢ رابر إلى ٣ مجموعات كل مجموعة مكونة من ٤ رابرز هيقدموا العروض المباشرة امام الجمهور. وهيتم إختيار ٢ من كل مجموعة للتأهل لنصف نهائي.

• المرحلة الخامسة

مرحلة النصف نهائيات، هيتأهل رابر واحد من المجموعات الثلاثة المختارة من النصف نهائي للنهائيات.

• المرحلة السادسة

سيتم الإعلان عن الفائز للمسابقة في نسختها الأولى في حفل النهائيات بمشاركة العديد من نجوم الراب في الوطن العربي.

لتفاصيل أكثر عن التقديم، تجارب الأداء، شروط المسابقة ومراحلها زوروا الموقع الرسمي لراب جيم من خلال:
http://www.fmrapgame.com 

تابعوا راب جيم على مواقع التواصل الإجتماعي.

https://www.facebook.com/fmrapgame

X