REVIEWS

البوست روك المصري

405

الوطن العربي او الشرق الأوسط بشكل عام منطقة لها طابع خاص و من غير المتوقع أن يظهر فيها نوع جديد من الموسيقى و يقابل نجاح و تقبل الجمهور، و لكن بعض الشباب عرف يتحدى نقص الدعم و يتخطى الحواجز الثقافية و المادية و ينشر نوع جديد على أذن المستمع العربي و هو “البوست روك”.
البوست روك نوع من انواع موسيقي الروك و بيتميز إنه بيخلط بين الإندي روك و موسيقي الإليكتروينك و أحيانا الجاز وانواع تانية من الموسيقي.

Go! Save The Hostages
تعتبر أول فرقة مصرية تقدم موسيقي البوست روك بمصر. مشروع موسيقي أسسه ”
أمير سمان” و “شريف سامي” في ۲۰۱۲، التغيير السياسي و عدم الاستقرار المجتمعي للحياة المصرية على مدى السنوات اللي فاتت و في فترة الثورة بالتحديد كان سبب إلهامهم و علشان كدة أغلب موسيقاهم تحمل طابع سياسي، وبالرغم إنهم بيعتمدوا في أغانيهم علي المزيكا و بس و لكن بتحمل رسالة و هي “بغض النظر عن أي ظروف أو أحداث محيطة هتلاقي ناس مهمتهم الإبداع”.

أصدرت الفرقة لحد دلوقت ٦ ألبومات ومن أشهر أغانيهم “سلمي”، تسع دقائق و نصف لمحبي البوست الروك الكلاسيكي، بإستخدام آلات موسيقية  بسيطة زي الجيتار و الباص جيتار و الدرامز قدروا يعملوا تناغم مختلف و يبعدوا عن الطرق التقليدية.

X