REVIEWS

اكبر ساوند كلاش في الوطن العربي

4.13KViews
CNL Music

يوم 4 و 5 و 6 إبريل كان الحدث الأهم في 2019 لحد دلوقت، ويك إند كله مزيكا جمع 15000 الف من هواة الموسيقى في مكان واحد علشان يشهدوا 3 معارك موسيقية للتاريخ بين:

 

اوتوستراد vs اخر زفير

جدل vs وسط البلد

شارموفرز vs عزيز مرقة

يمكن تكون دي اكبر ساوند كلاش بالوطن العربي، جمهور وفنانين ومنظمين من جنسيات وثقافات مختلفة، اجتمعوا في مصر، وفي حدث واحد بسبب حبهم للمزيكا. لكن ريد بُل عودت جمهورها على المفاجآت السارة. 
شوفنا الفرق بتحول مزيكتها لأنواع مختلفة زي “الجاز – الريجي – الإلكترونيك – هيب هوب – خليجي – إلكترو شعبي – فانك – روك”، و شوفنا برضة وايلد كاردز تطير العقل.

في اليوم الأول شوفنا “محمود الليثي” مع اخر زفير

و السوبر ستار “رامي صبري” مع اوتوستراد

اليوم التاني كان مولع و شوفنا فيه “أبو الليف” و “عبسلام” مع وسط البلد

و جدل خلونا نسمع “الصواريخ” و “حسام حسني”

عزيز مرقة ختمها بمفاجأة قوية، و لأول مرة في مصر “أمين بابيلون”

و شارموفرز ادوا للجمهور شوية نوستالجيا و سمعنا معاهم “هشام عباس” و “حميد الشاعري”

كل ده طلع لنا طاقة جبارة من جمهور يستحق كل دة.

CNL Music
X