“بتناديني تاني ليه”، أغنية علقت في دماغ الناس الفترة الأخيرة، مغنيين و فنانين كتير غنوها بألوان مختلفة، انتقلت الأغنية بين الفلكلور و الفن المستقل و الإنشاد و كمان الأغاني الشعبية لحد ما الناس بقت مش عارفه مين صاحب الأغنية الأصلي.
الأغنية في الأصل ترجع للتراث الأسواني، و أول من غناها كان زعيم الكفافين “رشاد عبد العال” و فن الكف هو الفن الشعبي في بلاد النوبة، و تُعتبر الصيغة اللي غناها “رشاد عبد العال” الصيغة الأصلية للأغنية و أصبحت مرتبطة بإسمه فى أسوان كلها، و منها انتقلت لفرق و مطربي القاهرة.
في منتصف الثمانينات جاء المطرب الشعبي المشهور “رمضان البرنس” و عاد توزيع الأغنية بعنوان جديد و هو “عايزه ايه”، في الفترة دي كان عدد قليل جدا يعرف أصل الأغنية و مرت سنين و اعاد غنائها فنانين مرات كثيرة و ظن الناس إن صاحب الأغنية هو “رمضان البرنس”.
في الألفية الجديدة انتشرت الأغنية بشكل واسع و ارتبطت باسم “دنيا مسعود” و اصبحت تغنيها في كل حفلاتها و كمان اغلب الناس اصبحت بتسمعها من تسجيلاتها، و مش بس هي اللي اصبحت بتغنيها على طول، لا كمان الشيخ “زين محمود” غناها في حفلات كتير ليه.
Recent Comments