FEATURESREVIEWS

أبيوسف / ويجز / 3 فااز في مهرجان دي كاف

2.05KViews
CNL Music

مهرجان وسط البلد للفنون المعاصرة هو أول مهرجان دولي متعدد التخصصات للفنون المعاصرة في مصر.
الدورة الثامنة من ال#DCAF19 ستقام علي مدي ثلاثه أسابيع من 29 مارس إلى 20 ابريل 2019 في أماكن مختلفة في وسط مدينة القاهرة.

المهرجان يشمل عروض موسيقية محلية و دولية والمسرح والرقص والفنون البصرية والأفلام من قبل فنانين من مصر والعالم العربي و كل دول العالم. بالإضافة إلى الأماكن الثقافية والمسارح القائمة في وسط البلد ، تستخدم دي كاف مواقع غير تقليدية زي المباني التاريخية و واجهات المحلات والأزقة وأسطح المنازل كمواقع للعروض بهدف جمع جمهور مع الفنانين للإنخراط مع المدينة بطريقه جديدة.
يطمح دي كاف، بفضل برامجها المتنوعة، أن تصبح من أهم الفعاليات الفنية العربية السنوية من خلال التواصل مع مجموعة واسعة من الجمهور المصري ، وإنشاء جسور بين الفنانين العرب والدوليين، دة غير الاستفادة من التراث الثقافي والاجتماعي والمعماري الفريد في وسط مدينة القاهرة. وفوق كل دة ، فريق العمل الدولي مش بيسعى فقط لتقديم أفضل الثقافات العالمية المعاصرة إلى القاهرة ، ولكن برضة لتقديم مهرجان عالمي عالي الاحتراف والدعاية الجيدة.

من ضمن عروض الدورة الثامنة عرض موسيقي بيضم “ابيوسف – ويجز – 3 فااز

-عن ابيوسف:

ممكن نقول ان ابيوسف يتقارن مع أهم النجوم العالميين مش بس في مصر و الوطن العربي و يطلع معهم راس براس وزيادة كمان. تحوله من عازف درامز و جيتار و مغني ميتال الى مغني راب كانت نقلة كبيرة جدا، بس كل ما سبق خلاه يكسب خبرات كتيرة جدا شكلت الفنان اللي موجود دلوقت. أكثر من 300 اغنية بألوان مختلفة و على بيتات ممكن من الصعب الغناء عليها قدمها لنا ابيوسف من بدايته لحد دلوقت.

-عن ويجز:

اثبت ويجز طلاقة اسلوبه الرهيبة، بإنتقاله من الراب إلى التراب و بعدين المهرجانات و حقق انتصارات استثنائية في كل لون. لعب مهرجان خربان الللي تعاون فيه مع سادات العالمي دور رئيسي في شُهرته ده غير طبعا اغنية تي ان تي اللي حققت نسبة عالية جدا من المشاهدات. و لكن المميز في ويجز هو صوته و تُعتبر نقطة قوته الأولي لأن بفضل قدرته على التنقل بين الطبقات الوسطى و الحادة بكل سهولة، و طبعا يساعده استخدامه الغير مُسرف لفلاتر معالجة الصوت، فـ يخرجلك تراك بأداء غنائي معاصر وحيوي، من غير ما يضايق السمّيع.

عن 3 فااز:

موسيقى من القاهرة طور كتير في شكل المزيكا الشعبي، تركيزه الأكبر على تفكيك و تغيير المزيكا الشعبي و تحويلها لموسيقي اليكترونيك خلاه فنان فريد من نوعه.

CNL Music
X