REVIEWS

١٠ فيديوهات إكتسحوا ۲۰۱۸

1.58K

٢٠١٨ ظهر فيها تطور واضح من حيث دعم الإنتاج للموسيقى المستقلة فى الوطن العربى بالكامل، و ده ساعد فرق و فنانين كتير انهم يقدموا لنا فيديو كليبات علي مستوي عالي جدا. عملنا قائمة فيها افضل ١٠ فيديو كليبات السنة دي.

۱- حبيت القمر ــ السبعة وأربعين

“حبيت القمر طلع القمر اصطناعي شميت الورد طلع الورد بلاستيكي”، الكلمات مصحوبة بتوليفة من المزيكا الإلكترونية والدبكة الشامية، تحكي عن معاناة الفلسطينيين من تهجير اللي بيعانوا منه و يظهر فيه طفل موجود على كوكب مشابه لكوكب الأرض بيحاول يهرب من ناس تطارده و يظهر في آخر الفيديو شنطة جواها حبوب زيتون و دي كناية عن فلسطين.

۲- انا مش هقدر حد ــ ابيوسف & اسلام شيبسي

الخلط بين صوت أبيوسف المميز و نغمات اسلام شيبسي و مقامات شعبان عبد الرحيم الشعبية الأصيلة خلق لنا مزيج غريب و لكن طلع تحفة فنية، بجانب كل دة الفيديو كليب مدهش جدا و مليان حركة و اختيار المخرج للزاوية السينمائية كان إختيار موفق.

۳- مفتقد الحبيبة ــ شارموفرز


كانت مفأجاة قوية لجمهور شارموفرز المعتاد دائما علي اغاني السعادة والبهجة من شارموفرز في الاغنية دي تغيرت موسيقي وكلمات شارموفرز بشكل غير معتاد، الفيديو كليب مليان مشاعر حب و فراق ف تقدر نقول انه رومانسي بحت.

٤- الإختلاف المؤتلف ــ وسط البلد

الأغنية من ألبوم “بنطلوني الجينز” و تُعتبر التجربة الثانية في الإخراج للممثل “أثر ياسين”، الكلمات واللحن والتوزيع والأداء والإخراج فيهم إبداع ميتوصفش. مشاعر الحب اللي يتبادلها ابطال الفيديو بالرغم من اختلافهم الصريح عن بعض يخليك تعيش قصة جميلة جدا.

٥- ما عاد صغيرا ــ كايروكي

في رثاء د/ أحمد خالد توفيق قرروا كايروكي إحياء قصيدة “شرايين تاجية”، الأداء مليان بمشاعر حزن و حب صادقين جدا لدرجة لا توصف.

٦- اركض عالجم ــ اوتوستراد

ممكن اول مرة تسمع فيها الأغنية تحس ان الكلمات ملهاش معني بس الحقيقة غير كدة خالص، الكلمات بتناقش اغلب القضايا اللي بيعيشها الشباب مش بس في الأردن يمكن في الوطن العربي، الإخراج و هندسة الصوت كانوا ممتازين جدا، غير كل دة الأغنية فيها طاقة رهيبة.

٧- ويجز ــ تي ان تي

الفيديو كليب دة بيثبت مدي تطور موسيقي الراب في مصر، سواء من حيث الكلمات او الريتم او التصوير.

۸- فاكره ــ مسار إجباري

الأغنية من ضمن البوم “الألبوم”، و بالرغم من إن كل أغاني الألبوم تم تصويرها إلا أن الأغنية دي حازت علي إعجاب كل جمهور مسار إجباري. الفيديو بيظهر في أعضاء الفرقة وهم بيعزفوا و في الخلفية فلاش باك لذكريات بيحكوا عنها.

۹- خربان – السادات العالمي & ويجز

السادات و ويجز اخدونا في اتجاه تاني خالص، نقدر نصنف الأغنية بإنها من مدرسة الراب الحديث مش شعبي نهائي. الإخراج كويس جدا و المزيكا من النوع اللي يخليك ترقص بإنبساط.

۱۰-  يلا بينا ــ هيجان

الأغنية بتشهد عودة فرقة “هيجان” مره تانية بعد غياب طويل، بإسلوب الفانك الثمانيناتي الفيديو كليب بيقولك عيش حياتك.

X