REVIEWS

الميناء موسيقى تسعدك

1.88K

الميناء هي السنتر بوينت و العلامة المميزة لأسكندرية، و اسكندرية هي اللي جمعت يوسف نور و جون صادق في 2015 وبتجمع أفكارهم وأحلامهم علشان كده قرروا انهم يعملوا مزيكا شبه اسكندرية.

مع مرور الوقت و بعد حوالي 3 سنين من تكوين الفرقة، أصبحت الميناء فرقة موسيقية متكاملة، و أعضائها:  أحمد عبد الرسول (جيتار) ، محمد عفارة (جيتار) ، أدهم الحبشي (عود) وعمر علي عبده (كيبورد)، و اصبح هدفهم الوصول لقمة المشهد الموسيقي على مستوى العالم.

لو هنتكلم عن المحتوى، فـ اللي بيميز الميناء عن أي فرقة تانية هو اختيارهم مواضيع بتتكلم عن الحياة اليومية للشارع و الشباب و عن اسكندرية بالتحديد، بعيداً عن الحب و السياسة و المواضيع التجارية. و كمان اعتمادهم في الموسيقى الموجودة في أغانيهم على البيت بوكس كالإيقاع الوحيد فيها، و ده يدل على الموهبة الكبيرة لأن كل الأعضاء يمتلكوا خلفية موسيقية واسعة لأنواع كتير زي الروك و البوب و الهيب هوب.

بعد مشاركتهم في حفلات كتير سواء داخل مصر بجميع محافظاتها و خارج مصر في دول زي المغرب و تونس و الإمارات، جه الوقت اللي يحققوا فيها هدفهم.
مشاركتهم في “ألوفت ستار 2018” فتح لهم باب للتطوير، لأن الفائز من المسابقة بيسجل مع Universal Music Group لإنتاج فيديو كليب. و فرقة الميناء فازت بكل المراحل و اصبحوا اول فريق مصري يسجل في Appey Road، و اللي سجل فيه فرق عظيمة زي The Beatles, Pink Floyd, Led Zeppelin.
GTA تجربة جديدة قدموها لنا الميناء، تم تسجيل الأغنية في لندن و تصويرها في دبي و المتوقع إنها تكسر الدنيا.

محطة الميناء القادمة هي حفلتهم في مكتبة الأسكندرية يوم 18 إبريل، لازم متفوتوش حدث زي دة.

CNL Music
X