fbpx
NEW MUSIC

شارموفرز | عروستي

1.63KViews

بعد غياب أكتر من 5 شهور رجعولنا شارموفرز باغنيه جديده باسم “عروستي” اللى تعتبر الأغنية الرسمية لفيلم “عروستى” برضو أطلق فى السينمات نفس يوم إصدار الأغنية.

فيلم عروستى جاى من اخراج محمد بكير وبطولة جميلة عوض وأحمد حاتم… وبيحكى الفيلم عن قصة اتنين بيعانوا من إلحاح اهلهم فى موضوع الجواز لحد ميتعرفوا عن بعض بسبب أهلهم و يتجوزوا جوازة صالونات، بيحصلهم مواقف و مشاكل طول الفيلم تخليهم يفكروا إذا كان جوازهم فى الاساس كان قرار صح ولا لأ.

اغنية عروستي نازله على يوتيوب بفيديو كليب بيظهر فيه فريق شارموفرز هما و بيغنوا على مسرح مع لقطات مختلفة من الفيلم…. وده طبيعى جداً بسبب ان الاغنيه دى تعتبر هى الاغنيه الرسميه للفيلم.

بس المميز هنا هي كلمات الاغنيه اللي كانت جايه من تأليف أحمد بهاء وقدرت تخليني اكون فكره عن الفيلم قبل ما اقرى عنه اى حاجه… وبعد ما خلصت الكليب روحت ادور على الفيلم وفعلاً الفكرة اللى كونتها كانت صح بنسبه كبيره  ودى حاجه مش سهله على اغنية لفيلم انها تحققها، خصوصا ان معظم الفترة اللى فاتت كانت اغانى الافلام بتنزل ملهاش اى علاقة بقصة الفيلم، هي بس مجرد دعاية لتريلر الفيلم.

عروستى جايه من أداء أحمد بهاء و جيتار محمد العرقان و توزيع عظيمة… والتلاته مع بعض قدموا لنا اغنية لطيفة جداً بتدخلك في مود حلو يخليك عاوز ترقص و تتنطط فى المكان… فيلم “عروستى” موجود من دلوقتى فى السينمات لو عاوز تروح و تفهم قصة الاغنية اكتر!