NEW MUSIC

مزيكا بسحر الساكسفون

2.19K

“وحياتنا حفلة، ما إحنا اصلا فنانين”

جملة كافية لوصف توليفة نور بروجيكت، اللي بتجمع بين أمهر الموسيقيين في مصر. ٦ موسيقيين و ٦ آلات مختلفة بيطلعوا مزيكا ب تناغم ملوش مثيل و كمان بيصنعوا أغانيهم بنفسهم.

نور بروجيكت فرقة مصرية مستقلة تم تأسيسها في القاهرة عام ٢٠١٣ و اللي أسسها نور عاشور عازف الساكسفون المشهور وضم معاه موسيقيين محترفين بخلفيات موسيقية مختلفة زي، اوسو لطفي (جيتار)، وائل بدراوى (كيبورد)، محمد نبيل (إيقاع)، فادي بدر (قانون)، مراون زكي (درامز)، و دة علشان يخلقوا حالة موسيقية مش بس تخلي اللي يسمعها يستمتع، لا دة كمان تلمس قلبه.

لو هنتكلم عن نوع المزيكا اللي بيقدموها، صعب جدا نحددها بنوع معين. الخليط الموسيقي اللي بيقدموه و اللي بيجمع بين أنواع موسيقية كتير زي، الجاز والفانك و كمان بأجواء ثقافية مختلفة زي الشرقي والأفريقي والغربي، بيثبت قد ايه مدى الموهبة و الإحترافية اللي يمتلكوها و كمان مدى طموحهم.

الفكرة من تأسيس الفرقة بشكل عام، هو مش بس انهم يخلوا الجمهور يسمع مزيكتهم ،لا كمان يحسوا بيها ويخلقوا وسيلة للتواصل بينهم من خلال كلمات ملهمة تشجعهم على إكتشاف تفاصيل جديدة فى الحياة، لأن الكلمات مش بتعكس توجهات الفرقة بل تجارب بيعيشها اغلب الناس.

الفرقة شاركت في العديدة من المهرجانات برة و جوة مصر، و في الفترة الأخيرة اطلقوا البوم “أول ألبوم” و اللي من اسمه هو اول ألبوم بيقدموه، و من الأغاني الجميلة فيه أغنية “الروتين.

 

CNL Music
X