fbpx
NEW MUSIC

من مفيش | مروان موسى و عفروتو و مولوتوف

2.61KViews

في مفاجأة غير متوقعه أعلن مولوتوف عن تراك جديد بالتعاون مع مروان موسى و عفروتو، ودى تعتبر اول مره الثلاثي ده يجتمعوا مع بعض في تراك واحد، و التلاته مع بعض قدروا يقدموا لنا مزيج مميز و مختلف عن باقي شغل مروان موسى و عفروتو بشكل منفرد.

“من مفيش” جاي من انتاج مولوتوف و ميكس وماستر من مصطفى أكرم، الحقيقة اول مره سمعت فيها التراك اكتر حاجه شدتني فيه هي البيت، مولوتوف عمل شغل استثنائي في التراك ده من ناحيه البروداكشن، الانترو و الدروب الأول ممتازين جداً والنقل بينهم معمول باحترافية كبيره، اما بقى الاوترو… دقيقه كاملة من استايل مولوتوف المميز اللى كلنا عارفينه وبنحبه، و عموماً مولتوف قدر يقدملنا تراك محترم جداً من ناحية الكواليتي و متعه الاستماع.

“صورة النجم علي القفيش

 صورة النجم ع القفيش

 مان كل ده من مفيش”

اما من ناحيه الأداء فـ مروان موسى و عفروتو قدمولنا ديو متميز كالعادة في الـFeats بتاعتهم من بعض خصوصا عفروتو اللى قدملنا فلو قوى… وواضح أن مروان موسى و عفروتو و مولوتوف قدروا يقدموا لنا trio قوى نتمنى نشوفه في تراكات تانى الفترة الجايه و يكون فيه Feats كتير علشان دي من الحاجات اللي ناقصه المشهد المصري.