fbpx
NEW MUSIC

ديسكو مصر – كيفي كدا

4.91KViews

من وقت ظهور ديسكو مصر في المشهد المصري و هما عاملين قلبان في المشهد المصري كله، و فى الفترة الأخيرة شوفنا ديسكو مصر بيجهزوا تراك جديد بالتعاون مع ويجز لأول مره، فيلا بينا نسمع التراك بيقول ايه 

كيفي كده” تعتبر محاولة جديده من ديسكو مصر و ويجز لخلق صوت جديد فى المشهد المصري، بالرغم من كل التابوهات الموجوده فى المشهد، و الاتنين مع بعض فعلاً عرفوا يكسروا التابوهات دى و يقدمولنا تراك مختلف، وده بسبب ان ديسكو مصر او ويجز فهما الاتنين بيميلوا للتغير فى المزيكا بتاعتهم عامةً و تجربة أنواع جديده و فى التعاون ده الاتنين قدروا يطلعوا أحسن ما عندهم و التراك يطلع مختلف عن باقي الإصدارات الحالية فى المشهد…

 كلام كتير ملوش داعي

احفر حفرة وادفن اوجاعي 

دمعة تيجي نازلة علي بذرة اوجاعي 

تيجي مادة جدر الشجرة  تكبر تطرح اوجاعي 

ايه الشغلة دي 

مع المزيكا دى بيجى ويجز بكلمات و تشبيهات ذكيه و فى نفس الوقت بسيطة مع فلو لطيف و خفيف على الودان… التراك كله واخد نفس الفايب و الاتجاه وتجربه السماع هنا ممتعه جداً!

و الحاجه الاخيره اللى ناقصه علشان يبقى التراك متكامل هو الكليب! و فعلاً كليب “كيفى كده” اللى جاي من اخراج خالد مختار وانتاج Gamma و ديسكو مصر… مع حضور ويجز و ديسكو مصر فى الكليب و اختيار مواقع التصوير و الازياء و الراقصات… فكل ده ساهم ان الكليب يزود فعلاً من متعه التراك!

كيفى كده قدرت تحقق أكتر من 2 مليون مشاهده على موقع يوتيوب فى أقل من 4 ايام و فضلت أكتر من يوم فى التريند رقم 1 على يوتيوب.