fbpx
NEW MUSIC

Ahla Wahda | Disco Misr x Aziz Maraka

3.3KViews

يوم الجمعه 19 نوفمبر الجاي هيكون فيه حفله “Extra Bass” اللى هتجمع بين Line-Up مميز جداً و هما مسار اجباري و اوتوستراد و المربع و عزيز مرقة و ديسكو مصر، و انهارده أصدر ديسكو مصر تعاون جديد مع عزيز مرقه باسم “احلى واحده”… فيلا بينا نسمع التراك بيقول ايه…

بيشتهر عزيز مرقه بموسيقى الـRAZZ اللى تعتبر مزيج بين مزيكا الروك و المزيكا العربيه و الجاز، و قدر فى فتره قليله يجمع قاعده كبيره من الجماهير و يصنع اسلوبه الخاص فى مشهد الموسيقى العربى، متعود فى أغلب مسيرته يغنى على نوع مزيكا مختلف شويه عن إنتاجات ديسكو مصر بس بالرغم من ده الاتنين قدمولنا تراك لطيف جداً و تجربه سماعيه ممتعه و خفيفه.

احلى واحدة فى المكان قدامى 

ترقص و اتوه م الجمال

كل ما اجى اقول ياليل يا عينى

اتلخبط و انسي انا الكلام

مزيكا ديسكو مصر فى التراك كان واخده طابع الـFunk بدرجه كبيره و ده اللى ضاف للاغنيه فايبز الديسكو… و اللى ساعد على اكتمال التجربه الفيديو الكليب اللى كان من اخراج محمد ربيع وانتاج شركه Gamma Music، الكليب كان كويس على مستوي التصوير و اللوكيشن اللى كان ديسكو فى اغلب الكليب و ده كان بيخدم على المزيكا من الناحيه البصريه بنسبه كبيره.

التراك هيتلعب لايف لاول مره فى حفله يوم الجمعه و التيكتس متوفره دلوقتى من هنا!