fbpx
FEATURES

دليلك لحفلات نهاية الأسبوع بالقاهرة

7.81K

ويك إند جديد مليان حفلات، إحنا هنعرفك على أهمها علشان تفصل من زحمة الشغل والإمتحانات. 

نبدأ بالنهاردة، الخميس :

في كايرو جاز كلوب العجوزة، هتسمع أهم وأحسن الأغانى المصرية مع فرقة بهية وكمان الموسيقى البدوية بطريقة مختلفة من فرقة مريرا، أما فى كايرو جاز كلوب 610 بالشيخ زايد، Electric Thursday المعتاد مع اثنين من أهم الدي جاي فى مصر أحمد صلاح وسيبز.

ننتقل للجمعة :

ملك التسعينات وكل العصور، حسام حسني في رووم آرت سبيس التجمع أما فى رووم آرت سبيس جاردن سيتي حفل أغانى عربية متنوعة بين الحديث والقديم مع أدهم عاصم وريم عز الدين أعضاء فرقة أيامنا الحلوة.

 ليلة روحانية جميلة مع الشيخ محمود التهامى حضرة وذكر فى مسرح الزمالك.

سلسلة Closed Circuit بتستكملها كايرو جاز كلوب العجوزة والأسبوع ده بتقدم الثنائى طورخى وسليم مع جونيور، إنما فى كايرو جاز كلوب 610 بالشيخ زايد مش هتبطل رقص مع Mother Funkers .

درب 1718 بيقدم سهرة روك متنوعة مع فرقة دبه نملة وفرقة نجم.

نختم بالسبت :

سهرة مليانة فولكلور بين المصري والسودانى مع تكسير شرقى وأسيا مدنى في كايرو جاز كلوب العجوزة.

الدور الأول بمزيكتهم حاضرين في رووم آرت سبيس التجمع وكمان سهرة بطعم فرانك سيناترا مع فرقة The Sinatras واللي هتشاركهم رنا حجاج في رووم آرت سبيس جاردن سيتي.

 

CNL Music
X