دليل حفلات الويك ايند

 دليل حفلات الويك ايند
Spread the love

ويك اند جديد و حفلات فى كل حته!

الخميس

بدايه الويك اند لازم تكون قويه و علشان كده فى الكايرو جاز610 هيكون فيه سهره جديده من سلسله Impulse هيلعب فيها عشماوى و Marino Canal و Undercatt و السهره دي هتبقى مميزه جداً!… و بالنسبه لكايرو جاز العجوزة الفايب هيكون مزيكا الروك و باند Glass Onion هيلعبوا tribute لـThe Beatles اللى كلنا بنحبها…

و ساقيه الصاوي هيكون فيها حفله جديده لـThe Sinatra و هيلعبوا tribute جديد لفرانك سنترا و أكيد الحفله دى فى الشتا هتبقى تجربه مختلفه تفصل فيها من دوشه الاسبوع… و فى روم جاردن سيتى السهره هتكون جاز برضو بس مختلفه شويه و هيلعبوا باند The Gypsy Jazz Project و دول من الباندات القليله اللى بتعلب  Gypsy Jazz  فى مصر…

وفى ذا تاب هيكون فيه 3 حفلات متنوعه الاولى هتكون فى The Tap East و هتكون tribute لـRed Hot Chill Peppers هيلعبها باند Blitz المعروفين باداهم المميز فى الحفلات و فى The Tap West هتلاقى جرعه كبيره من النوستالجا و باند BubbleGum Kollectiv هيلبعوا من أحلى هيتات التسعينات فى البوب فى live set ممتعه… و اخيراً فى The Tap المعادى هيلعب باند Rootzadelics المعروفين بمزيكا الـReggae و الـDub!

الجمعه

فى الكايرو جاز 610 اتوبيس السهره هياخدونا في رحله جديده مع الـCovers بتاعتهم للاغانى الكلاسيك المصريه و كمان هكون موجود معاهم DJUNKIE و هيكون فيه مفاجاه سبيشال جيست مميز فى الحفله…. و فى كايرو جاز العجوزة هيكون فيه سهره جديده من سلسله Closed Circuit بحضور DJ Mofu و A. Salah و  Adham Dou سهره كلها مزيكا و رقص… و ده اللى محتاجه يوم الجمعه بالظبط!

و فى الساقيه محمد سواح و باند النفخيه راجعين بحفله جديده بعرض موسيقى جديد من عروض “المسرح الموسيقى” وده بيكون عباره عن عرض كامل بيقدم فيه العازفين تجربه كامله مصاحبه للمزيكا الخاصه بيهم من لغه جسد اثناء العزف و ملابس و مؤثرات بصريه…

و لو ملحقتش تحضر حفلات الجاز يوم الخميس فمش مشكله علشان باند JJ Quartet هيلعبوا حفله جديده فى روم جاردن سيتى…

و فى The Tap المعادى هتلعب الـdj NEDZ لايف سيت مختلفه من مزيكا الهيب هوب و الـR/B… و فى The Tap West هيكون موجود المغنى و العازف شادي فى حفله مميزه هتبدأ الصبح و ده كويس علشان لو حد بيفكر يستمتع بيوم الجمعه لاقصى درجه و يحضر حفلتين فى اليوم يعرف يعمل ده… 

السبت

اخر يوم فى الويك أكيد لازم يكون مميز… و علشان كده باند هاوس هيلعبوا حفله جديده فى كايرو جاز… و لو لسا نفسك تسمع جاز فالثلاثي Rashad Fahim Trio هيلعبوا حفله جديده فى روم جاردن سيتي.

Related Articles