دليل حفلات الويك ايند

 دليل حفلات الويك ايند
Spread the love

تفتكروا أول ويك ايند فى السنه مخبيلنا ايه؟ يلا نعرف…

الخميس 

مسرح الزمالك هيبدأ السنه بـRap Night هتجمع بين مسلم هديب و رابتور و ايفل على نفس الاستديج الساعه 7 و سعر التيكت هيكون 150 جنيه… و فى Room جاردن سيتي هيكون فيه حفله جديده RCHP tribute هيعلبها باند Blitz.


في أول Electric Thursday فى السنه فى الكايرو جاز 610 هيكون مميز جداً… السهره هتبدأ بـKidmims و بعدها AlgoPack و FarahH هيلعبوا مع بعض Live Set B2B مميزه جداً و الـClosing Set هيلعبها Tourkey & Selim!

و في كايرو جاز العجوزة بلاك تيما هيكون راجعين بحفله جديده هناك و كمان المره دى هتكون مختلفه و هيكون معاهم نور بروجكت علشان نستمتع كلنا بالمزيكا النوبيه اللى بنحبها!

و فى The Tap East الليله كلها هتكون مزيكا روك هتعلبها باند  Retro Grade و هيلعبوا تراكات متنوعه مبين الروك اند رول و المودرن روك مع بعض.

الجمعة

بعد تأجيلها يوم رأس السنه حفله ويجز و ليجسى و ديزي هتحصل يوم الجمعه فى فاميلى بارك الرحاب اخيراً… و في روم أرت سبيس القاهره هتلعب باند Paranoid تربيوت جديد لبينك فلويد!

و فى الكايرو جاز كلوب 610 هيلعب A.K و DJunkie فى ليله مليانه بالهيب هوب و الـR&B… و فى كايرو جاز العجوزه السهره هتكون تكنو!… فى اول ايفنت من Closed Circuit فى 2022 هيلعب عشماوي و Aly Goede لايف سيت B2B و هيبدأ السهره Seifo كمان!

و فى ذا تاب معادى هيلعب باند AWE بمزيكاتهم المتنوعه مبين البوب و الفانك مع شويه الكترونيك فى النص!

السبت

يوم السبت هيكون يوم هادى شويه… فى الكايرو جاز العجوزه هتلعب شيرين عبده و سهره مع احلى الاغاني الشعبيه المصريه… و فى ساقيه الصاوي السهره هتكون كلها مزيكا روك و هيلعب باندات تفاقم و ريفروود و زئير فى اول روك نايت فى الساقيه!

Related Articles