Tuesday, July 5, 2022
FEATURES

دليل حفلات الويك ايند | 2

ويك ايند جديد بس المره دي هيكون مختلف بسبب الكريسماس… يا تري الويك ايند ده فيه حفلات ايه؟

الخميس 

اخيراً كايروكي راجعيين بحفله الجديد فى زيد بارك – الشيخ زايد باسعار تذاكر بتبدأ من 300 جنيه و هتكون تجربة مميزة… و كمان فى نفس اليوم هيكون فيه حفله جديده ليسرا الهواري في الجريك كامبس…

و يوم الخميس فى الكايرو جاز العجوزة هيكون فيه سهره روك و هيلعب باند Jiggy و The One Four Five مزيكا الروك اند رول و الفانك رول… و كايرو جاز 610 هيلعب اثنين من احسن الـDJs لايف سيت B2B و هما Sebzz و A.Salah…

و في ساقية الصاوي هتلعب فرقة “وصلة سماع” وليله من أعذب الأناشيد الدينية و المديح النبوي…

الجمعة

يوم الجمعة هتكون ليلة الكريسماس ولازم اليوم ده يكون مميز، وحفلات الجمعة بتقول كده برضو… فى مسرح الزمالك هيكون فيه حفله لباند Glass Onion و هيلعبوا Tribute لاغانى The Beatles و روم جاردن سيتى هيكون فيه حفلة Tribute لاغانى Pink Floyd هيلعبها باند Paranoid Eyes  …

و الكينج محمد منير راجع اخيراً بحفله جديده فى فندق Jewel Sport City New Cairo و سعر التيكتس هيبدأ من 300 جنيه… و فى ساقية الصاوي هيكون فيه حفله جديد للمطربة وجدان هتغنى فيها اغانى لمختلف المغنيين من ورده و فيروز لدينا الوديدي و تامر عشور، وفي الساقية برضو هيكون فيه حفله جديده لفرقة “اسكندريلا”…

فى كايرو جاز العجوزة هتكون فيه حفله للـDJs محَسب و عشماوى و كايرو جاز العجوزة هيكون فيه حفله جديده لـBaxir و A.K… 

السبت

وصلنا للكريسماس خلاص و فى مسرح الزمالك هيكون فيه ليله مليانه بمزيكا الجاز و حفله جديده لباند The Sinatras هيلعبوا فيها اغانى لفرانك سينترا و لويس ارمسترونج و فى روم جاردن سيتى باند Seattle هيلعبوا Tribute جديد لباند Nirvana…

كايرو جاز العجوزة هيكون فيه حفله جديده لـ بشير مغنى الـFolk المصري و هيبدأ السهره باند Joyful Rising…

و الساقيه هيكون فيها حفله جديده للمطرب العربي احمد شوقي و حلفه كمان لفرقه الانشاد الصوفي الحضره فى نفس اليوم…