FEATURES

ريدبل ساوند كلاش بالتلاتة

34.3K

ساوند كلاش مصر معروف من زمان أنه مختلف جدا سواء من حيث الفرق المشاركة او الجمهور و كمان المفاجأت اللي بتقدمها الفرق والسنة دي هيكون مختلف أكتر!.

شوفنا فى ۲۰۱٣ اول كلاش بين “وسط البلد و كايروكي” و كان حدث موسيقي ملوش مثيل في مصر.

و في ۲۰۱٥ كان الكلاش فريد من نوعه بين “كايروكي و شارموفرز” و في الحفلة دي الأتنين فاجأوا الجمهور بمزيكا جديدة.

اما في ۲۰۱٧ الكلاش كان بين “شارموفرز و مسار إجباري” و كانت منافسة موسيقية خيالية.

و جه ميعاد ساوند كلاش ۲۰۱۹، فى ٦ سنين فاتوا اتعمل ٣ ريد بل ساوند كلاش، والسنة دي ف ويك اند واحد هيتعمل ٣ كمان. ٤ فرق من الأردن و۲ من مصر هيقدموا لنا ملحمة موسيقية عظيمة ممكن التاريخ يكتب عنها، لأن السنة دي بيشهد كلاش أردني بالكامل على أراضي مصرية.

الخميس – ٤ أبريل: اوتوستراد – اخر زفير


الجمعة – ٥ إبريل: وسط البلد – جدل


السبت – ٦ أبريل: شارموفرز – عزيز مرقة

و لو مش عارف ايه اللي هيحصل لما يكون الفرق دي علي المسرح، إحنا هنقولك. فرقتين على مسرح مختلف قصاد بعض و انت الحكم في وسطهم.
المواجهة هتكون على ٥ جولات كالآتي:

التسخين: كل فرقة بتغني ٣ من أغانيهم علشان يحمسوا الجمهور.

الجولة الأولى: الدي جي بيلعب أغنية معروفة، وكل فرقة بتغني الأغنية دى بطريقتهم.

الجولة الثانية: أول فرقة بتبدأ تلعب أغنية مشهورة ليهم، والفرقة الثانية بتكمل الأغنية دى بطريقتهم.

الجولة الثالثة: الفرق بيعزفوا أغنيتين بستايلين مختلفين.

الجولة الرابعة: كل فرقة بتعزف أغنية مع ضيف مشهور من اختيارهم، والضيف دة بيكون سر!
و زي ما قولنا انت الحكم، انت اللي هتحدد من يكسب عن طريق صوتك.

ف من الأخر فضي نفسك ايام ٤،٥،٦ أبريل  من الساعة ٦ لحد الساعة ۱۱ و اطلع بدري علي مول مصر في ٦ أكتوبر، لأن كل حفلة فيهم متتفوتش، يعني خليك جاهز لويك اند كله مزيكا

و مش محتاجين نفكركم إنكم تشتروا التذاكر بدري قبل ما تخلص كالعادة.

تقدروا تشتروها من كل فروع TicketsMarche او من هنا.

X