FEATURES

ريدبول ميوزك ساوند كلاش – الأردن ٢٠١٨

9.06K

ساوند كلاش الأردن معروف من زمان أنه مختلف جدا سواء من حيث الفرق المشاركة او الجمهور و كمان المفاجأت اللي بتقدمها الفرق والسنة دي هيكون مختلف أكتر بالنسبالنا للأننا موجودين في الأردن للأول مره بنشارك في حدث عظيم زي الساوند كلاش وهنكون معاكم لحظة بلحظة من هناك .

شوفنا فى 2014 اول كلاش بين “المربع و اوتوستراد” و كان حدث موسيقي ملوش مثيل في الأردن.

و في 2016 كان الكلاش فريد من نوعه بين “جدل و عزيز مرقة” و في الحفلة دي الأتنين فاجأوا الجمهور و غنوا الأغنية اللي بتشعل قلوب الجمهور العربي والمصري بالتحديد و هي “ليه بيداري كده”.

المرة دي و في 2018 الكلاش راجع تاني و هيبقا اغرب لأنه هيكون بين فريق من الأردن صاحب الأرض و فريق ضيف من مصر، أقوي أقوي نوع في مواجهة مستر شارموفر أخطر رجل في مصر، صراع بين العمالقة اللي بيرَقْصُوا أي جمهور حتي لو حجر.

المواجهة هتكون على 5 جولات كالآتي:

التسخين: كل فرقة بتغني 3 من أغانيهم علشان يحمسوا الجمهور.
الجولة الأولى: الدي جي بيلعب أغنية معروفة، وكل فرقة بتغني الأغنية دى بطريقتهم.
الجولة الثانية: أول فرقة بتبدأ تلعب أغنية مشهورة ليهم، والفرقة الثانية بتكمل الأغنية دى بطريقتهم.
الجولة الثالثة: الفرق بيعزفوا أغنيتين بستايلين مختلفين.
الجولة الرابعة: كل فرقة بتعزف أغنية مع ضيف مشهور من اختيارهم، والضيف دة بيكون سر!

ف من الأخر فضي نفسك يوم الجمعة 7 سبتمبر من الساعة 6 لحد الساعه 11 و اطلع بدري علي ساحة أرض المعارض على طريق المطار، علشان لو فوتت اليوم دة متجيش تندم بعد كده.

و مش محتاجين نفكركم إنكم تشتروا التذاكر بدري قبل ما تخلص كالعادة.
تقدروا تشتروها أونلاين على Sajilni.com و في جو بدو (اللويبدة)، تاج مول، Turtle Green، The Coffee Bean & Tea Leaf، DNA Lifestyle و كزنز (إربد)

CNL Music
X