الويك إند وصل! بالرغم من الظروف اللي بيمر بيها العالم واللي تحتم علينا اننا نلزم بيوتنا للوقاية، هل ده سبب اننا منستمتعش بالويك إند؟ لا طبعًا.
فرق وموسيقين ومواقع كتير قرروا يعملوا بث حي على الإنترنت سواء بشكل يومي او اسبوعي لتشجيع الناس على الالتزام بقواعد العزل وبرضة يرفهوا عنهم. احنا هنعرفكم ايه اهم الحفلات اللي هتحصل أونلاين الإسبوع ده وبنقول لكم خليكم في البيت.
ديسكو مصر الليلة في تمام الساعة ١٠ مساًء هينتقلوا للإذاعة الداخلية وبث حى مع الديسكو على يوتيوب.
A-Squared برضة هيقوموا الليلة بـ Home Session الساعة ١٠، فـ جهزوا نفسكم لشوية مزيكا هتعجبكم.
“انا بعتذرلك عن الكورونا وقت ما تحبي الفيروسات”، مسار إجباري كمان هيعملوا حفلة أونلاين يوم الجمعة الساعة ١٠ على يوتيوب.
عزيز مرقة هيكون لايف على فيسبوك يوم الجمعة الساعة ٧.
بالبيجاما وانت بالبيت، مايك ماسي والين لاهود هيكونوا معاك لايف على انستجرام يوم الجمعة الساعة ٩:١٥ مساًء.
طبعًا غير رووم ارت سبيس وانغامي اللي اعلنوا بقيام بث مباشر بشكل يومي لفنانين وموسيقين كتير ايمانًا منهم بأهمية الموسيقى في الأزمات.
