FEATURES

أجهز للميوزك سين

587

٥ حاجات مهمة بنفكرك بيهم قبل يوم الحفلة..اللي هو 2 مارس اللي جاي!

للازم تبقي عارف ان اليوم ده مش هيتكرر تاني خلطة المزيكا الي هتحصل اليوم دا صعبة تتكرر في حفلة تاني ! 3 عروض حية في رحلة من الأردن مع أوتوستراد و Beat هادي مع مسار أجباري و Beat عالي مع شارموفرز  .

بس علشان تستمع بيوم طويل زي ده، وما يحصلش أي حاجة تفصلك من جو المزيكا والانبساط، محتاج شوية ترتيبات وحاجات مهمة تاخدها معاك ، هنقولك هنا على أهم ٥ حاجات في رأينا ممكن تخلي يومك يمشي بشكل أحسن، من واقع تجاربنا مع حفلاتنا السابقة!

١ – جاكت

الجو لسه شتا متعتمدش ان اليومين دول حر الصبح بس بليل هتبقي برد جدا وخصوصا ان الحفلة في طريق السويس ، خلي الجاكت حوالين وسطك أو في العربية.

٢ – Careem

طبعا بتفكر هتروح ازاي لو مش معاك عربية او مش عاوز تيجي بالعربية علشان الطريق طويل ومتششغلش بالك بالركنة او الزحمة ، ممكن تستخدم عربيات Careem علشان توصل لمكان الحفلة في حديقة الأسرة، لأن شركة Careem اتفقت مع CNL أنها هتعمل خصم 50 ٪ لما تدخل في الPromo Code كلمة “MusicScene”

٣ – جزمة مريحة

اليوم هيكون طويل وفيه Activity كتير قبل الحفلة ولسه لما المزيكا تبدء هترقص وهتنطط كتير مش للازم Shoes علشان الشياكة ما تجازفش بيها حاول تكون لابس جزمة مريحة لرجلك اليوم هيكون طويل .

٤ – Power Bank

اشحن موبايلك ١٠٠ ٪ قبل ما تنزل، وخد معاك Power Bank كمان علشان أكيد شحنك هيخلص في يوم طويل  برا البيت مليانين تصوير فوتوغرافيا وانترنت وLive Videos عالفيسبوك!

 

٥ – للازم تاخد بالك من كام حاجه ان ممنوع اصطحاب الاتي لداخل الحفل :

  • الاكل والشرب
    بس جوه هتلاقي كل حاجه مياه حياة و ريد بل سناكس و أندومي كل الي نفسك فيه موجود في منطقة الـ Catering في الحفلة
  • كاميرات 
    متحاولش تيجي بيها حاول تستمتع بالحفلة و CNL Music و CairoNightlife هيوثقوا كل حاجه في اليوم دا 
  • برفيوم وسبراي
  • اعلام ولافتات


لينك الحفلة:

X