fbpx
FEATURES

Extra Bass ٦ أشخاص هتلاقيهم في

7.16KViews


باقي أيام قليلة جدا علي أطول حفلة في مصر “Extra Bass ” اللي هتكون في فاميلي بارك يوم الجمعة ١٩ نوفمبر
وفيها أكبر تجمع للفرق المستقلة في مصر والوطن العربي ” مسار إجباري & ديسكو مصر & أوتوستراد & عزيز & المربع ”
وبما اننا ملاحظين ان الحماس عالي للحفلة قولنا نجهزكم وحمسكم للحفلة ونعرفكم علي ٦ شخصيات هتلاقوهم في الحفلة

١- ويكليكيس
الباند يطلع من هنا و هوب الموبايل يطلع و مينزلش الا لما الحفلة تخلص. و ده معناه انك غالباً مش هتشوف حاجة منهم فحاول تهرب منهم. وكل دا ليه؟ علشان الخمسة ستة اللي عندهم علي انستجرام او سناب شات يعيشوا معاهم اللحظة.


٢- المجاذيب

اللي حافظين كل حرف في كل اغنية، اكتر من الباند نفسهم، حرفياً. ده الاغاني اللي محدش سمع عنها برضة عارفنها و مش بيبطلوا تسميع الحفلة كلها.


٣- العمالقة
مهما روحت و جيت، او وقفت فين ولا حتى غيرت مكانك كام مرة، هتلاقي اطول عشرة في مصر واقفين قدامك


٤- اللي مفكر نفسه عارف كل حاجة
هيقولك انا مفيش اغنية مش حافظها و لما تيجي تركز في اللي بيقوله تلاقيه بيهرتل كلام عمره ما اتقال قبل كده. حاجة كده زي فري ستايل.


٥- الرايقين
دول بقى راميين هموم الدنيا و جايين ينبسطوا و بس. صوتهم اعلى من السماعات و ضحكتهم واصلة لودانهم. دول عايشين احلى لحظات حياتهم، خليك زيهم.

٦- اللي مش عاجبه
هتلاقي التكشيرة مش مفارقه وشه. دة بقى ربنا معاه، صاحبته و جايباه غصب عنه.