fbpx
FEATURES

Extra Bass – ١٢ نصيحة مهمة قبل يوم الحفلة

14.3KViews

بعد أيام هتكون حفلة “Extra Bass” اللي هيلعب فيها فرق من أكبر الفرق الموسيقية في مصر والوطن العربي  في فاميلى بارك بالرحاب، و هنحاول نساعدك تخلي تجربتك في اليوم دة أجمد.

١- يومك طويل والمزيكا مش هتقف , خد معاك Power Bank أو موبايل احتياطي عشان متفصلش لو الموبايل فصل!

٢- خلي معاك تذكرة زيادة احتياطي لصاحبك/صاحبتك اللي بيقرر ييجي في آخر لحظة، وخليه يشتريها منك ميخدهاش هدية علشان يبطل يتأخر!

٣-  الحفلة ١٠ ساعات، ف أحسنلك تلبس كوتشي مريح و فكك من الجزم الكبيرة او العالية علشان هتلاقي نفسك قاعد طول الحفلة.

٤-  محتاجين منك كل طاقتك في الرقص ف لازم تأكل كويس قبل ما تيجي، بس لو كنت مستعجل و اضطريت تنزل بدري متقلقش، هتلاقي جوه كل الأكل اللي هيشبعك.

٥- لازم تروح و انت مراجع اغاني الفرق كلها علشان متلاقيش نفسك واقف وسط الناس بتصفق و بس، لأن ساعتها اكيد مش هتكون مبسوط.

٦-  الشتاء خلاص يعتبر بدأ، و لكن لو بتفكر تلبس خفيف خلي معاك جاكت يحميك من لسعة البرد اللي بتيجي اخر الليل.

٧- ممنوع دخول الكاميرات لكن لو بتحب توثق اللحظات و تصورها متشيلش هم ، CNL هتكون موجودة في كل مكان في الحفلة و هتسجل لك كل لحظة هتعدي.

٨ – البوابات هتفتح الساعة ١ و الحفلة هتبدأ الساعة ٥، ف حاول تكون موجود من بدري علشان تلحق مكان كويس قريب من الstage.

٩-  لو شُفت اي حد قدامك مش بيرقص اوعى تسيبه كده و خليه يرقص بالعافية، بالذات مع اتوستراد و ديسكو مصر.

١٠-  الحق اشتري تذكرتك دلوقت لأن مش فاضل كتير و هات معاك تذكرة زيادة إحتياطي يمكن مثلا يكون حظك حلو و تلاقي شريكة للحفلة و ربنا يتمم بخير.

١١- و انت في قمة اندماجك وبترقص، خلي بالك ان هيكون المكان زحمة حواليك، فـ راعي الناس اللي جنبك علشان متلاقيش نفسك فجأة موقع واحد على الأرض.

١٢- متنساش لما تنزل الصور و الفيديوهات اللي صورتها في الحفلة تعمل منشن لـ @ExtraBasseg على إنستجرام .