أول ويك إند في آخر شهر في السنة، من غير حيرة إحنا هنقولك هتروح فين.
الخميس…
- لو من مُحبي موسيقى الچاز فـ شريف مصطفى ورنا حجاج هيقدموا سهر من موسيقى الچاز ملهاش مثيل في درب ١٧١٨.
- في رووم آرت سبيس جاردن سيتي المغنية الإيطالية صاحبة الصوت الجميل لويزا روسو هتكون موجودة بصحبة عازف الكلارينيت فيليب هومبرت.
- The Woodpeckers / The One Four Five حاضرين في كايرو جاز كلوب العجوزة بأغاني الروك من الستينات والسبعينات.
- في كايرو جاز كلوب ٦١٠ بالشيخ زايد خميس كله موسيقى إلكترونيك مع Dou / Ahmed Eid.
الجمعة…
- الوطواط أبيوسف هيهبط على درب ١٧١٨.
- السيناتراز هيقدموا سهرة من أغاني العظيم فرانك سيناترا في رووم آرت سبيس جاردن سيتي.
- الديسكو عنوان السهرة في كايرو جاز ٦١٠ كلوب بالشيخ زايد مع Disco Nova ft. Aly Goede / Nakhla / Nour Fahmy
- ثلاثة من أقوى الـ DJs في مصر Junior / Sebzz b2b Ashmawy هيكونوا موجودين في كايرو جاز كلوب العجوزة.
السبت…
- Figure09 في درب ١٧١٨ هتعيشوا معاهم جو حفلات Linkin Park.
- في رووم آرت سبيس جاردن سيتي إنسجام هيلعبوا مزيكا بطريقتهم الخاصة.
- دعسوقة بمزيكتهم الجروفي اللي بترقص هتكون موجودة في كايرو جاز كلوب العجوزة.
