عودة مهرجان ” دي-كاف” في دورته التاسعة

 عودة مهرجان ” دي-كاف” في دورته التاسعة
Spread the love

بعد توقف سنتين بسبب الكورونا، هتشهد القاهرة الشهر الجاى رجوع مهرجان وسط البلد للفنون المعاصرة “دى-كاف” في دورته التاسعة في مسارح و معارض و شوراع وسط البلد فى قلب المحروسة!

و مهرجان “دى-كاف” يعتبر مهرجان دولي يشارك فيه أكتر من 50 فنان من كل أنحاء العالم زى اوروبا و امريكا و امريكا اللاتينية و يتجمعوا كلهم مع بعض علشان يقدموا لنا 3 اسابيع مليانين بالعروض الفنية و البصرية  و ورش العمل.

مهرجان وسط البلد للفنون المعاصرة “دى-كاف”

مهرجان “دى-كاف” فكرته بدأت في سنة 2010 على يد احمد العطار و كانوا بيجهزوا ان اول دوره منه تكون سنة 2011 بس للأسف الدوره الاول اتأجلت لسنة 2012 بسبب الاحداث اللى حصلت فى مصر وقتها، و من 2012 المهرجان كان ينعقد بإنتظام كل سنه بدوره جديدة.

و يعتبر المهرجان ده هو الوحيد من نوعه فى مصر اللى بيقدم كل الاشكال دى من الفنون، وبيجمع كل العدد ده من الفنانين من دول مختلفة في مكان واحد! 

الدورة التاسعة

و السنه دى المهرجان هيقدم عروض لأول مره تحصل فى تاريخه فى مجالات فنية زى افلام الواقع الافتراضي “VR” و حفلات الراب و التراب و معارض الصور،و العروض الفنية الراقصه، كل ده فى الفتره من 1 لـ22 أكتوبر، و استنوا قريب الإعلان عن باقى تفاصيل المهرجان!

 

Related Articles