FEATURES

عودة الكلاش

صراع النوتات والآلات والحناجر الذهبية

3.14K

في ٢٠١٣ انطلقت أول ريد بُل ساوند كلاش في مصر بمواجهة موسيقية بين فريقين على مسرحين مواجهين لبعض، حلبة ملاكمة عملاقة والحكم هو الجمهور اللي واقف بين المسرحين، وبصوته وتشجيعه لكل فريق يتم حسم جولات المنافسة.

حفلات ساوند كلاش مش زي أي حفلة تانية، والمزيكا اللي بتسمعها هناك عمرك ما هتسمعها في أي مكان تاني، لأن كل فريق بيقدم أغنيات الفريق التاني بطريقته الخاصة، وبيلعب أغنياته نفسها بتوزيع مختلف عن المعتاد، وأخيرًا بيقوموا بدعوة واحد من النجوم الكبار يغني معاهم على المسرح، ويبقى الكارت الكسبان اللي يحسم بيه أخر جولة.

المواجهة الأولى كانت بين فرقتين وسط البلد وكايروكي، والثانية كانت في ٢٠١٥ بين كايروكي وشارموفرز، و الثالثة كانت في ۲۰۱٧ بين شارموفرز و مسار إجباري.

٣ ساوند كلاش حصلوا و جه ميعاد الرابع، بس ريد بُل بتقولكم إن المرة دي مش زي مرة و المتعة x٣ ، يعني ٣ ايام، ٦ فرق، كل يوم فرقتين. و المفاجأة الأكبر إن السنة دي هتشهد معركة أردنية بحتة علي اراضي مصرية، و برضة معركتين بين أبناء أبو الهول والأهرامات وأبناء البتراء.

فـ من دلوقت، امسك موبايلك و افتح ال Calendar، و فضي نفسك الويك إند كله ايام 4 ل ٦ إبريل من ٦ بليل ل ١١ بليل علشان متفوتش كل المزيكا دي.

و متنساش تشتري التذاكر من دلوقت لأن بعد كل الأبحاث تؤكد إنها هتخلص زي كل اللي فاتوا، تقدر تشتريها من كل فروع تيكتس مارشية او اونلاين من هنا.

X