FEATURES

إنطلاق مهرجان القاهرة الدولي للجاز

3.94K

يحتفل السنة دي مهرجان القاهرة الدولي للجاز بالذكرى السنوية العاشرة على تأسيسه بدوره تستمر 4 أيام من 11 لـ 14 أكتوبر 2018 بجمع 20 فرقة من 14 بلد مختلفة. المهرجان السنة دي مختلف عن اى سنين فاتت، لأنه هيضم انشطة كتير بجانب الحفلات الموسيقية زي ورش عمل، ومعارض الصور اللي هتظهر تاريخ المهرجان منذ بدايته، وبرامج موسيقي للأطفال، وعروض مواهب وأحداث تانية كتير.

فـ استعد لرحلة موسيقية لمدة 4 أيام، مع كل يوم مليان أنشطة مختلفة وحفلات هتخليك مستمتع على مدار اليوم. النسخة الحالية من مهرجان القاهرة الدولي للجاز هتقام بالحرم الجامعي للجامعة الأمريكية بالقاهرة فرع التجمع الخامس بجانب إقامة بعض العروض  بأماكن أخرى. الهدف الأساسي للمهرجان هو خلق حدث يتيح للجمهور الاستمتاع بموسيقى الجاز والاختلاط بثقافات اخرى في جو من المرح وتشجيع الموسيقيين المصريين علي إنتاج المزيد من موسيقي الجاز وتقديم أعمالهم على الصعيد الدولي.

 

سيقدم المهرجان السنة دي نسخة خاصة جدا مع فرق من كبار المغنيين الأوروبيين مثل دان بارتا، ريتا ماريا، استر فازي وعازفين البيانو المشهورين مثل؛ ديفيد هيلبوك، اكي ريسانين، وفيليب رابوسو. ومن ناحية المحلية هيقدم اشخاص وفرق من ارقي عازفي الجاز في مصر مثل هشام خرما و كايرو ستيبس علشان يقدموا على خشبة المسرح أفضل ما عندهم من موسيقى الجاز.

تقدر تشتري تذكرتك دلوقت من منافذ بيع تيكتس مارشية، تقدر بتذكرة الحفلة تحضر كل العروض اللي موجودة علي تاريخ التذكرة.
https://www.ticketsmarche.com/cairo-jazz-festival_se_647.html

X