FEATURES

٦ نصائح قبل الكلاش حطهم حلقة في ودنك

7.13K


يوم الجمعة الموافق 7 سبتمبر هو المعاد! مواجهة نارية في حلبة ريد بُل ساوند كلاش بالأردن، المرة دي بين فريق أوتوستراد وخصم عنيد هو فريق شارموفرز.


توقعوا أكبر قدر من الرقص والتنطيط في الحفل الموسيقي الفريد من نوعه في ساحة أرض المعارض على طريق المطار.

بس قبل ما تروح الحفلة لازم تتأكد من شوية حاجات:

1- أنت رايح ماتش ملاكمة او حرب، لو صح التعبير، انسى فكرتك التقليدية عن الحفلات الكلاسيكية والأناقة و الجو دة، البس أبسط هدوم عندك و كوتشي مريح يسمح لك بالتنطيط، و إلى الآنسات..مفيش داعي للكعب العالي و المكياج..”ريد بُل ساوند كلاش ليس أفضل مكان للعثور على فتى أحلامك”!

2- ذاكر أغاني فريقك المفضل كويس! علشان مش هتكون سعيد نهائي وأنت بتحاول تفتكر كلمات الأغاني هناك، خاصة أغاني شارموفرز المليانة بالكلمات، و اعمل حسابك تروح قبل الحفلة بوقت كافي، علشان تاخد مكان كويس في الحلبة جنب مسرح فريقك المفضل، و تشارك في الغناء بحماس و بصوت عالي.

3- تمرينات الصوت مهمة جدًا، بس مش علشان تغني المرة دي، و لكن علشان تشجع و تصيح، لأن فريقك محتاجك جنبه علشان يكسب الجولات، فالجولات تحسم بالـ Applause Meter اللي يقيس مدى رضا الجمهور بعد كل أغنية، فاستعد بأطول “برافووو” و”أووووه” تقدر عليها حنجرتك.

4- اوعي تنسي وأنت بتشتري تذكرتك تسأل الشخص اللي تحب أنه يكون معاك في ساوند كلاش، اتصل بيه و اشتري له تذكرة، و لو مفيش حد جه في بالك وقتها، اشتري التذكرة و احتفظ بيها لحد معاد الحفل ، فاكيد هيظهر لها صاحب في الوقت المناسب، و يشاركك التجربة الموسيقية الفريدة.

5- فكر في طريقة مبتكرة تساعد بها فريقك المفضل على حسم الجولات، اطبع يُفط عملاقة أنت و أصحابك و ارفعوها في وش فريقكم علشان تسخنه على المسرح، أو ابتكروا صيحة مميزة ترفع الـ Applause Meter لأعلى مستوياته، أنت – الجمهور – هو الفصل هنا، و مش اي حاجة تانية.

6- وأخيرًا..أتأكد من إن عندك مناعة ضد المفاجآت الرهيبة، فلو سألت اي حد حضر النسخ السابقة من ساوند كلاش هيقول لك إن المفاجآت على المسرح بتيجي بطريقة مرعبة، صحيح هي مفاجآت مبهجة، لكن مين قال أن أصحاب القلوب الضعيفة يتحملوها؟ مثلًا ممكن تلاقي سوبر ستار بتحبه قدامك بيغني مع فريقك المفضل واحدة من أغنياتهم، من هنا تأتي السكتات القلبية والصدمات العصبية من فرط الحماسة..لقد أعذر من أنذر!

X