REVIEWS

١٠ نصايح مهمة وانت رايح حفلة شارموفرز

3.66KViews
CNL Music

بكرة هيكون يوم مش عادي، يوم لكل المضطربين في التواصل، ولو عندك بارانويا هنعالجك بالانفصام.
شارموفرز بعد ٣ سنين من إطلاق اخر البوم ليهم هيطلقوا البومهم الجديد في حفلة هيكسروا بيها الدنيا. فـ قبل ما تروح فى شوية نصائح نحب تعرفهم.

۱. لازم تذاكر أغاني الألبوم كويس جدا، مينفعش تكون رايح حفلة الألبوم من غير ما تكون حافظ أغانيه. (اصل شكلك هيبقا عامل ازاي قدام الفرقة لما يلاقوك مش حافظ؟!). و دة مش معناه إنك تهمل الأغاني القديمة يعني علشان اكيد مش هينسوها.

۲. خلي معاك تذكرة زيادة احتياطي لصاحبك/صاحبتك اللي بيقرر ييجي في آخر لحظة، وخليه يشتريها منك ميخدهاش هدية علشان يبطل يتأخر!

۳. الجو الفترة دي مش مفهوم، فـ خفف شوية بس هات معاك جاكيت احتياطي علشان لما تخرج.

٤. البوابات هتفتح الساعة ٣ و الحفلة هتبدأ الساعة ٥، ف حاول تكون موجود من بدري علشان تلحق مكان كويس قريب من الstage.

٥. إشحن موبايلك كويس او هات معاك Power Bank علشان ميفصلش، ووثق لحظاتك في الحفلة علشان تفرج اللي محضرش وتخليه يندم.

٦. متنساش لما تنزل الصور و الفيديوهات اللي صورتها في الحفلة تعمل منشن لـ @cnlmusiceg و @sharmoofers_official على إنستجرام.

٧. لو شوفت قدامك واحد مش بيرقص، رقصه.

۸. الحفلة في وقت الذروة، فـ لو هتروح بعربيتك انزل بدري قبل الحفلة بوقت كافي علشان تلاقي مكان كويس للركنات و مايفوتكش أي مزيكا لو اتأخرت في الطريق.

۹. و انت في قمة اندماجك وبترقص، خلي بالك ان هيكون المكان زحمة حواليك، فـ راعي الناس اللي جنبك علشان متلاقيش نفسك فجأة موقع واحد على الأرض.

۱۰. النصيحة الأهم هي انبسط بقدر الإمكان، سواء حاضر لوحدك او مع صحابك او مع حبيبتك.

ف بسرعة احجز تذكرتك من كل فروع تيكتس مارشية او من هنا، لأن البوم “انفصام” جايلك fresh من الستوديو لل stage .

CNL Music
X